Rebeca Luciani

Naceu en Arxentina, alí estudou debuxo e pintura. No ano 2000 veu vivir a Barcelona. Colabora con numerosas editoriais españolas como: Kalandraka, Parramón, Planeta, Edelvives,… Publicou numerosos libros para nenos e colabora en prensa en varias revistas.

Un dos libros que ilustrou foi este: “A nube de Martín”. Este conto escrito por Javier Sobrino, cóntanos a historia de Martín que ten “una gata, un ollo de cada cor e una nube”. Coa súa nube Martín é capaz de imaxinar outros mundos. Rebeca Luciani a través das súas ilustracións  é capaz de mostrarnos através das cores e dos seus debuxos ese mundo de soños.

Hai que destacar que con este conto foi finalista do I Premio Internacional Compostela para álbumes ilustrados.

Outro dos seus contos é “O sorriso de Daniela”. Este é un conto cargado de optimismo e de ganas de vivir. Daniela co seu sorriso é capaz de cambiar o mal humor de cantos animais se vai atopando. Este é un conto escrito por Carmen Gil. E desta vez a ilustradora chea o conto de cores e de luz para crear o mundo de Daniela.

Se teño que dicir porque escollín esta ilustradora e non outra e porque os seus debuxos están cargados de cores, podemos consideralos surrealistas pero para min ver a as súas ilustracións é entrar nun mundo de soños onde todo é posible.

Na súa páxina web podedes atopar máis información sobre ela, e ver outros dos seus traballos. http://www.rebecaluciani.es/