9 jun. 2012

Roberto di que.

Xa no remate do curso, despois de 9 longos meses, tivemos a oportunidade de demostrar diante de todas/os o que aprendimos durante todo este tempo.  Linguaxe oral, dramática, matemática, plástica e musical, todas elas imprescindibles para o noso futuro de educadoras e educadores, e como non, para o futuro dos cativos.
Houbo uns contos que me gustaron máis que outros, pero todos eles teñen un mérito enorme e cada un de nós amosamos que temos unha sensibilidade especial cara os contos.

O meu conto titulábase "Roberto di que", e trataba dun rapaz que se pasaba todo o día falando e dicindo cousas, cousas que por outro lado, non tiñan moito sentido.  É un conto repetivivo, pero que me pareceu adecuado para o traballo de todas as linguaxes mencionadas anteriormente.  Só me fixo falta unha primeira lecura para que me cautivase coas súas imaxes.

As actividades que elaborei non son moi diferentes ás que elaboraron o resto, xa que xa vimos que temos especial debilidade polos "memorys" e polos puzzles.  Eu non podía ser menos.  Fixen un pequeno puzzle no que eu persoalmente debuxei todos os animais que aparecían nel (o resultado non é tan bo como se fosen as imaxes reais, pero.. ) e que axudará aos nenos a adquirir nocións matemáticas.   
Tiña preparado tamén uns animais que aparecían no conto, que máis tarde cortaríamos en 3 (cabeza, corpo e rabo) e os nenos deixarían voar a súa imaxinación para facer diferentes combinacións, o que fomentaría a linguaxe plástica.   E, para a musical, cancións relacionadas cos diferentes animais que aparecían no conto, e, como moi ben apuntou Carmen, engadir unha pequena canción como é : 


"Por el mar corren las liebres,
 por el monte las sardinas,
 tralarará" .




Para rematar, pedir perdón pola velocidade que aparentemente parece que collín na hora de contar o conto, supoño que foron "os nervios do directo".  E felicitarvos a todas ( a Dani e a Iago tamén, obviamente ) polos excelentes traballos que fixestedes, sen dúbida, o resultado dun ano cheo de novas aprendizaxes.


No hay comentarios:

Publicar un comentario